Ramës nuk i ka dalë ende inati me kryetarin e Bashkisë së Vlorës, Dritan Leli, të cilin e sulmoi sërish duke e cilësuar si një kryetar që fle gjumë. Kreu i qeverisë Edi Rama po zhvillon një takim me krerët e Bashkive të vendit në fund të mandatit të tyre. Ai përgëzoi punën e disa prej Bashkive, ndërsa kritikoi kryebashkiakun e Vlorës, Dritan Lelin, i cili sipas tij fle gjumë. Duke bërë një bilanc të punës, kryeministri u shpreh se ka Bashki që janë shembullore, por edhe problematike.
“Kemi Bashki që janë shembullore, kemi Bashki që janë të mira, kemi dhe Bashki problematike. Kemi të gjithë kohën në dispozicion, për t’i adresuar problemet dhe për të kapur trenin ku janë më të mirët prej jush. Ne kemi shembuj për të qenë krenar, krenari që PS drejton Lezhën, është kënaqësi po të shohësh pastërtinë e plazheve. Të tillë shembuj qoftë për pastrimin qoftë për të tjera fusha ne jemi kudo në gjithë Shqipërinë, deri në Bashki të vogla.
Që nga Cërriku, që është një Bashki me halle, me probleme, për shkak të pozicionit gjeografik është lënë pas dore. Ngopja apo mbi ngopja me pushtetin është e atyre që harrojnë kush i ka çuar atje dhe për çfarë. Kjo ndodh në Belsh. Flas për dy Bashki në Elbasan, që nuk kanë pasur ndonjë avantazh. Ndërkohë që kemi Bashki si Vlora kemi një kryebashkiak që fle gjumë. Një vend me potenciale të mëdha… Të qenit xix mëngjes, drek, darkë. Pa folur për Bashki të cilat kanë potenciale të mëdha siç është Pogradeci. Bashkia më shembullore përfshirë edhe Tiranën, është Shijaku. . Kanë ça të mësojnë nga Bashkia e Shijakut. Tirana dhe Durrësi kanë kohë për të nxjerrë nga kapacitetet e tyre të natyrshme. Janë çështje vullneti dhe durimi. Shqiptarët kanë qenë të varfër, por nuk kanë qenë pisanjos. Tani kjo situatë flet shumë jo për çfarë u bë, por sa gjynah se ka akoma zona dhe pjesë ku ka pisllëk”, tha Rama.
