Këngëtarja Adelina Ismajli ka reaguar ashpër me anë të një postimi në rrjetet sociale, pasi u kërkua shoqërimi i saj në gjykatë. Reagimi i saj publik vjen pas vendimit të gjykatësit Agron Kuçi, i cili ka kërkuar nga policia që t’i shoqërojë në gjykatë motrat Ismajli në gjykimin ndaj Enver Sekiraqës. Ismajli ka thënë se mund të paraqiten në gjykatë për t’i thënë të njëjtat fjalë, por se s’janë të interesuara për “show mediatik”. Ndër të tjera thekson se policia nuk është në kërkim të saj apo motrave të saj, dhe se ka bashkëpunuar me policinë prej vitesh lidhur me ngjarjen.
