Deputetja e PD-së, Flutura Açka ka treguar për mediat se nuk do të jetë në tubimin e 7 korrikut të thirrur nga Sali Berisha. Ajo ka shpjeguar para nisjes së seancës plenare arsyen përse nuk do të marrë pjesë në protestën e thirrur nga ish kryeministri Sali Berisha. Për gazetarët, Açka tha se ajo nuk do të jetë fizikisht në Tiranë, por që protestën e saj ajo e ka bërë çdo ditë me fjalë.
“Unë nuk jam personalisht, por çdo qytetar është i lirë të protestojë. Qytetari është i lirë të protestojë, pastaj unë kam qenë prej 30 vitesh në të gjitha protestat jo vetëm të PD e opozitës, por në protestat e shoqërisë civile. Është në natyrën time të protestoj. Pastaj nuk është e thënë jam apo s’jam fizikisht, protestat e mia i kam bërë me fjalë çdo ditë”.
