Moderatorja Luana Vjollca ka vijuar me publikimin e pjesës së dytë të projektit të saj personal “Thuaje”. Ajo ndan me publikun detaje nga jeta personale dhe sa është bullizuar e përndjekur. Moderatorja tregon se është përballur me situata nga më të ndryshmet e madje i është drejtuar edhe psikologut për tu marrë me veten. Në këtë hapësirë, ajo ka gjetur rastin të tregojë edhe eksperiencën e saj personale që askush s’e kishte ditur deri më sot, pasi ky rast nuk ishte bërë publik. Luana u shpreh se për 15 vite e kanë përndjekur 5 persona, madje la të kuptohej se njëri prej tyre ka tentuar të abuzojë seksualisht. Luana ka arritur të largohet në kohë dhe të shpëtojë.
“Përndjekësit më kanë krijuar një lloj traume që është mos ta kem jetën time të lirë, të dal rrugëve të Tiranës e shoqëruar gjithmonë nga një person që më mbron, sepse jam e frikësuar. Jam e frikësuar sepse kam pasur 5 raste.
5 raste në 15 vite, njëri prej të cilëve nuk është bërë mediatikisht i njohur, sepse askush nuk e ka parë. Por mua më ka lënë një shenjë, një plagë, sepse ishte përtej asaj që një fans do të bënte.
Fatmirësisht Zotit nuk ka ndodhur asgjë, por është tentuar që të më…faleminderit Zotit nuk ndodhi asgjë. Kam arritur të shpëtoj paq, të iki, të vrapoj, të iki nga situata por domethënë vetëm kur imagjinoj që ka vajza dhe gra që e përjetojnë këtë është…për mua inspirim se sa të forta janë!
Unë kalova në një traumë pa e përjetuar, dhe ka njerëz që e përjetojnë, është e tmerrshme”.
