Në një prononcim për gazetarët jashtë Kryesisë së Kuvendit, deputeti i PD-së Enkelejd Alibeaj thotë se opozitës i takon e drejta për të propozuar kandidatin për Presidentin e ri. Alibeaj u shpreh se një nga kriteret kryesore është që Presidenti të jetë anti-komunist. Ai tha më tej se qëndrimin e tyre për Presidentin e ri ja ka përcjellë të gjithë grupit parlamentar, por edhe mazhorancës.
“Një figurë që të jetë e shqiptarëve dalë mbi palët politike, ti qëndrojë të gjitha sfidave. Për të arritur në këtë pikësynim, ne jemi ofruar për një proces, procesi është i pari. Një proces i sinqertë, proces i bazuar në kritere është garancia e parë në një produkt siç shqiptarët duan. Presidenti simbolizon unitetin.
Ja kam përcjellë qëndrimin zyrtar të PD-së grupit parlamentar, mazhorancës dhe grupeve të tjera dhe e shohim të udhës që ky proces duhet të jetë i tillë që mos perceptohet si lojë”, tha Alibeaj.
Alibeaj përsëriti qëndrimin e tij se mazhoranca nuk e ka legjitimitetin për të zgjedhur e vetme Kreun e Shtetit.
“Në tre raundet e parë, Presidenti zgjidhet me 87 vota, pra me pjesëmarrjen e opozitës. Nuk e ka mazhoranca legjitimitetin për të zgjedhur Presidentin për të bërë lojëra, sepse janë tre deputet që janë degjeneruar nga fenomeni i grabitjes së votes. Dy të tjerë janë pas hekurave. Për këto arsye nuk ka legjitimitet mazhoranca për të bërë farsë.
Ne kemi propozuar kritere, sepse kemi një detyrim. Duhet të jetë një President që të dalë në sy të shqiptarëve.
Një nga kriteret është se Presidenti duhet të jetë antikomunist”, u shpreh Alibeaj.
