Një person i ka thyer këmbën një polici në zonën e Yzberishtit para 4 ditësh, për një gjobë parkimi 1 mijë lekë. Çudirat nuk kanë fund në vendin tonë, e ndërsa 43-vjeçari Ermal Muçolli është përballur me drejtësinë, pasi dhunoi një efektiv të forcave të rendit, duke i shkaktuar fraktura në këmbën e djathtë. Situata mori një tjetër rrjedhë, pasi efektivi i policisë z. Musaj 51-vjeç po tentonte t’i vinte gjobë Ermal Muçollit, pasi ky i fundit kishte parkuar makinën gabim.
Polici ka mbetur i plagosur rëndë, me këmbën e thyer, dhe ka përfunduar në Spitalin e Traumës. Efektivi i shtrirë ka kërkuar ndihmën e njerëzve, por fatkeqësisht pranë tij është afruar vetëm një burrë, ndërkohë kolegu i tij tentonte të kapte dhunuesin.
Bëhet me dije se 43-vjeçari është vënë në pranga pas një ndjekje të gjatë. Ermal Muçolli kishte refuzuar gjobën e policit, duke thënë se do pinte një kafe dhe do largohej.
Muçolli ka treguar rrethanat e përplasjes me efektivin e policisë. Ai ka mohuar se kishte qëllim t’i krijonte probleme të tilla efektivit të policisë, ndonëse e ka pranuar se ka qenë shumë i zemëruar me policin, sepse donte t‘i vinte gjobë.
Pasi doli para gjykatës, ndaj dhunuesit u vendos masa e sigurisë “arrest me burg”.
