Muajin e kaluar, kryeministri Edi Rama njoftoi se Ministria e Ekonomisë po zhvillon një studim për familjet e pasura, në një kohë kur vendi po përballet me një krizë energjitike. Kreu i qeverisë sqaroi se ky studim po bëhet për të parë mundësinë, që të bëhet një ndarje e përkohshme e familjeve që mund të paguajnë më shumë për faturën e energjisë elektrike. Nga ana tjetër, Ministrja e Financave, Delina Ibrahimaj, tha se qeveria nuk ka deklaruar se do të rritet çmimi i faturës së energjisë elektrike, por se janë në vëzhgim të situatës.
“Ne nuk kemi deklaruar se do ketë rritje të çmimit të energjisë, por jemi duke diskutuar që nëse skenarët do të jenë pesimistë, do të mendojmë një mënyrë që ai që harxhon më shumë, paguan më shumë”, deklaroi ministrja.
Më tej ajo theksoi se ende nuk ka një vendimmarrje apo një deklaratë për këtë skenar.
