“Në të vërtetë, ky është gjenocid. Eliminimi i të gjithë kombit dhe popullit”. Kështu tha presidenti ukrainas Volodymyr Zelensky, në një intervistë mbrëmë. Gjenocidi përkufizohet si një shfarosje masive e një grupi të caktuar njerëzish – e tipizuar nga përpjekjet e nazistëve për të zhdukur hebrenjtë në vitet 1940.
Por pas këtij përkufizimi të thjeshtë qëndron një lëmsh i ndërlikuar konceptesh ligjore në lidhje me atë që përbën gjenocid. Konventa e Kombeve të Bashkuara për gjenocidin hyri në fuqi në 1951, dhe e përcakton gjenocidin si kryerjen e ndonjë prej akteve të mëposhtme me “qëllim për të shkatërruar, tërësisht ose pjesërisht, një grup kombëtar, etnik, racor ose fetar”:
Vrasja e anëtarëve të grupit
Shkaktimi i dëmtimit të rëndë trupor ose mendor tek anëtarët
Shkaktimi i qëllimshëm i kushteve të llogaritura për të sjellë shkatërrimin fizik të grupit, tërësisht ose pjesërisht
Marrja e masave për të parandaluar lindjet brenda grupit
Transferimi me forcë i fëmijëve të grupit në një grup tjetër
Konventa vendos një detyrë për ata që e kanë nënshkruar atë, për të parandaluar dhe ndëshkuar gjenocidin.
Megjithatë, që nga miratimi i tij është kritikuar nga anë të ndryshme – kryesisht nga njerëz të frustruar me vështirësinë e zbatimit të tij në raste specifike.
Burimi i lajmit: BBC. Përshtatur nga Tirana Today
