Deputeti i PS-së, Erion Braçe, e ka nisur ditën me dy lajme. Së pari njofton se çmimi i naftës së papërpunuar në bursë është deri në 4% më e lirë se e shtuna e javës që shkoi. Së dyti bën të ditur se bujqit kanë edhe tre ditë kohë për të aplikuar për naftën falas.
Sipas vendimit të Bordit të Transparencës, çmimi i naftës do të jetë 245 lekë për litër, duke pësuar një rritje prej 12 lekësh. Nafta me shumicë tregtohet me 233 lekë për litër. Rritje të ndjeshme ka pësuar edhe çmimi i gazit, ku nga 93 lekë/litri që ishte, ka shkuar në 110 lekë/litri, pra 17 lekë më shumë. Ndërkohë, çmimi i benzinës ka mbetur i pandryshuar që prej vendimit të mëparshëm të Bordit të Transparencës, 218 lekë/litri. Këto çmime do të mbeten të pandryshuara deri më 1 prill, kur Bordi i Transparencës do të mblidhet sërish, me qëllim pasqyrimin në çmim të ndryshimeve të mundshme të çmimeve në tregjet ndërkombëtare.
Ja se çfarë shkruan Braçe
DY LAJME PER TE HAPUR JAVEN;
I pari;
Bursat u hapen sot me CMIMIN E NAFTES se paperpunuar deri ne 4% ME TE LIRE se e shtuna e javes qe shkoi!
Ne duhet te presim 1 prillin qe tregtaret tane ta reflektojne; natyrisht qe ata nuk shesin me cmimin e burses.
I dyti;
Bujqit kane edhe tre dite kohe per te aplikuar vecanerisht per NAFTEN FALAS KU JANE TE GJITHE FITUES, pra deri ne daten 30 Mars;
Do ishte mire e normale edhe nje dite me shume, pra deri ne daten 31 Mars-fundi i muajit, por tek BUJQESIA ende nuk e dine qe marsi ka 31 dite dhe 31 eshte DITE PUNE!
