Anëtari i Komisionit të Rithemelimit të PD-së, Flamur Noka, ka rikthyer në detyrë rojen e selisë së PD-së, Pëllumb Matrakun, i cili hoqi dorë nga detyra pas përplasjes së 8 janarit.
Noka zbuloi sot para mediave se administrata e pushuar nga ish-kryedemokrati Lulzim Basha, do të rikthehet në detyrë. Ai nuk kurseu fjalët e mira edhe për rojen e selisë së PD-së, Pëllumb Matraku.
“Rikthehet në vendin e punës se është legjendar në këtë parti. Asnjë demokrat nuk lëviz, do ç’blindohet selia. Me njëri-tjetrin nuk kemi asgjë. Do presim ekspertët për të inspektuar gjithë godinën. Është kosto që duhet ta mbajmë. Shtëpia do i kthehet demokratëve”, tha Noka.
