Rritjet e pagave dhe investimet e parashikuara, nuk do të ndërpriten! Ky konfirmim vjen nga kryeministri Rama, duke i mëshuar faktit se Qeveria nuk po mendon reduktimin e rrogës minimale apo ndalimin e investimeve të parashikuara.
Duke qëndruar në të njëjtën linjë, ai shtoi se paga minimale do të rritet, do të zerohet taksa mbi rrogën deri në 40 mijë lekë. Po kështu do të përgjysmohet taksa për pagat deri në 50 mijë lekë. Do të zerohet taksa për bizneset deri në 100 milionë lekë, dhe rritja e pagave për mësuesit. Kreu i qeverisë citoi se ne jemi pjesë e një fronti lufte, jo me armë, por me të gjitha pasojat që sjell.
“Për momentin natyrisht që ne nuk kemi asnjë tundim, ide që të reduktojmë rrogën minimale apo të ndalim investimet e parashikuara.
Paga minimale do të rritet, do të zerohet taksa mbi rrogën deri në 40 mijë lekë, do të përgjysmohet taksa për pagat deri në 50 mijë lekë. Do të zerohet taksa për bizneset deri në 100 milionë lekë, dhe rritja e pagave për mësuesit.
Dua ta them se kemi zgjedhur t’i përkasim një fronti shtetesh, popujsh ku jeta i sjell që në ditët e këqija ne duhet të bëjmë sakrifica. Nuk kemi zgjedhur të jemi një shtet neutral dhe me të drejtë jemi pozicionuar pa diskutim aty ku duhet për interesant tona strategjike si komb, si shtet dhe kjo vjen me kosto.
Ne jemi pjesë e një fronti lufte, jo me armë, por me të gjitha pasojat që sjell. Solidariteti me Ukrainën është vetëmbrojtje e pastër, për të mos lejuar që ajo që ndodh atje të vijë dhe këtu dhe të infektojë të gjithë botën tonë”, tha ai.
