Ish-shkruesi i fjalimeve të Vladimir Putin, Abbas Gallyamov, që punoi me Putinin për tre vjet kur ai u bë president i Rusisë, e ka përshkruar atë si “të palogjikshëm dhe irracional”.
Duke folur për Radio 5 Live, ai thotë se Putin synonte që “trupat ruse të hynin në kufi, ukrainasit do të dorëzoheshin dhe [Presidenti] Zelensky do të ikte në SHBA”.
Ai thotë se ideologjitë e Putinit rrjedhin nga “mosdëgjimi i kundërshtimeve apo kritikave” nga ata përreth tij, dhe beson se ai është bërë “viktimë e sistemit që krijoi”.
Gallyamov thotë se Putini do t’i shihte sanksionet e vendosura nga Perëndimi, si diçka që ai do të kishte nevojë ta “anulonte”, së bashku me Ukrainën që “përmbushte kërkesat [e tij] për të mos u anëtarësuar në NATO”.
“Të dyja do të ishin arsye të mjaftueshme që Putini të qetësonte qëndrimin e tij aktual”, thotë ai.
Burimi i lajmit: BBC. Përshtatur nga Tirana Today
