Gjykata e Hagës duket se do ti japë goditjen përfundimtare Vladimir Putin. Ka qenë Lituania që i ka bërë thirrje Gjykatës Ndërkombëtare Penale (ICC) në Hagë, të hapë një hetim mbi krimet e mundshme të luftës të kryera nga Rusia dhe Bjellorusia në Ukrainë.
Kryeministrja e Lituanisë, Ingrida Simonyte, ka thënë për Washington Post se ato që po bën Putin, nuk janë gjë tjetër veçse vrasje.
“Ato që po bën Putini nuk janë tjetër vetëm se vrasje dhe shpresoj se ai do të jetë në Hagë”.
“Ekziston një bazë e arsyeshme për të besuar se si krimet e supozuara të luftës ashtu edhe krimet kundër njerëzimit janë kryer në Ukrainë.
Qëllimi im është që ky hetim të përfshijë gjithashtu çdo krim të ri të supozuar që bie në juridiksionin e zyrës sime, që janë kryer nga çdo palë në konflikt në çdo pjesë të territorit të Ukrainës”, tha Karim AA Khan, prokurori i Gjykatës Ndërkombëtare Penale.
Ukraina e ka çuar gjithashtu Rusinë në Gjykatën Ndërkombëtare të Drejtësisë (ICJ) për nisjen e pushtimit, me pretekstin se është kryer gjenocid ndaj rusishtfolësve në Ukrainë.
