Banorët e zonave që preken nga ndërtimi i Unazës së Madhe, si dhe banorët e 5 “Majit”, të cilët preken nga rindërtimi dhe rikualifikimi urban, kanë zhvilluar sot një takim me presidentin Ilir Meta. Ato thonë se nuk janë dakordësuar me Bashkinë, kjo për faktin se sipas tyre akt-marrëveshja është e paligjshme. Presidenti Meta ka dalë në mbrojtje të kauzës së tyre. Ai herë pas herë kërkon që qeveria të diskutojë me ta, me qëllim zgjidhjen e problemit. Nga e saj, qeveria dhe Bashkia thonë se të gjithë banorët e prekur janë dëmshpërblyer.
“Presidenca është i vetmi institucion që na ka pritur dhe na ka dëgjuar me vëmendje. Qeveria nuk na ka dhënë asnjë shpjegim, se ku do të shkojmë. Ne kemi kërkuar që të na vihet në dispozicion si mund të na nxjerrin jashtë ne, dhe nuk na japin asnjë garanci. Ky ishte akti i fundit, ne do të ndjekim të gjitha rrugët edhe ligjore edhe institucionale. Ne ndodhemi në një gjendje të rëndë. Ku është aktmarrëveshja? Nuk ka! Aktmarrëveshja është në kundërshtim me ligjin. Unë do të vendos për të sotmen. Është një marrëveshje e paligjshme, kështu na kanë thënë. Përderisa kohë nuk ka, vlerë juridike nuk është aktmarrëveshje”, u shpreh një nga banorët.
