Detaje të reja janë hedhur në dritë sa i takon atentatit në Tiranë, ku u qëllua me armë ndaj një 63-vjeçari.
Burime zyrtare nga policia bëjnë me dije se i është bërë atentat administratorit të një shkolle private, ndaj shtetasit Lulëzim Masha.
Ky i fundit po udhëtonte me makinën e tij tip “Benz”, kur një person ende i paidentifikuar ka hapur zjarr ndaj automjetit. dhe më pas është larguar në këmbë nëpërmjet rrugicave.
Fatmirësisht, 63-vjeçari nuk është lënduar, ndërkohë autori është larguar nga vendngjarja. Në momentin që është qëlluar, Masha udhëtonte i vetëm.
