Një vajzë e re ka ndërruar jetë, pasi në mjetin në të cilën udhëtonte ka rënë në një humnerë. Policia njofton se nuk ia ka dalë dot mbanë në spital 29-vjeçarja Xheniana Hoxha, e cila mbeti e plagosur një ditë më parë nga një aksident në Pogradec. Shtetasi Kastriot Guce ka humbur kontrollin e makinës, dhe ka dalë nga rruga duke rënë nga 20 m lartësi në vendin e quajtur Pusi i Ajdinit. Ai aktualisht po kurohet në spitalin e Traumës, në Tiranë.
“Në vijim të informacionit paraprak datë 07.10.2021, i cili bën fjalë për një aksident rrugor, strukturat e lartpërmendura, filluan procedimin penal për veprën penale “Shkelja e rregullave të qarkullimit rrugor”, ndaj shtetasit K. G., 42 vjeç, banues në fshatin Shqitas, Maliq, pasi në segmentin rrugor Grunjas-Kakaç, ky shtetas duke drejtuar mjetin tip “Ford”, ka dalë nga rruga dhe për pasojë kanë marrë dëmtime pasagjerja, shtetasja Xh. H., 29 vjeçe, banuese në fshatin Shqitas, Maliq, e cila gjatë transportimit për mjekim më të specializuar në Tiranë, ka ndërruar jetë, si edhe drejtuesi i mjetit K. G., i cili ndodhet në Spitalin e Traumës Tiranë, nën kujdesin e mjekëve”, njofton policia.
