Aktivistja Evi Kokalari ka reaguar në lidhje me padinë që kryedemokrati Lulzim Basha paralajmëroi pak ditë më parë, se do të hapte kundër saj. Aktivistja shqiptaro-amerikane, Evi Kokalari hodhi akuza mbi kryedemokratin Basha, se ka ‘shitur’ Sali Berishën për të mbyllur dosjen e tij që kishte në SHBA, sa i përket lobimit rus.
Kujtojmë këtu se nga “Foltorja” e Sali Berishës në Durrës, Kokalari tha se Lulzim Bashës i është hequr viza amerikane për 2-3 vjet, por që tani më, me përjashtimin e Berishës, atij i janë hapur dyert për të shkuar në Amerikë.
Por edhe Basha reagoi në kohë reale. PD, me anë të një deklarate mohoi akuzat e Kokalarit dhe bën me dije se do ta padisin atë për shpifje. Në kundërpërgjigje, ajo hedh kunjën e radhës, duke lënë të nënkuptuar se Basha ka dosje. Ajo sjell në kujtesë faktin se avokatët e kanë këshilluar Bashën për padinë. Ndodhur në këto kushte, ajo thotë se provokimi i saj nuk ka qenë i rastësishëm.
Statusi
Dëgjova se tek zyrat e Kryesisë së Partia Demokratike e Shqipërisë, të gjithë po distancohen dhe asnjë s’po e merr përsipër postimin e kësaj deklarate.
Gjithashtu, avokatët e paskan këshilluar Lulin që po bëri padi ndaj meje, i hapet pikërisht ajo dosja për të cilën Luli më akuzon si ‘spekulante politike’.
Provokimi im mund të mos ishte i rastishëm. Mënyra se si Luli ra brënda, ishte fatale.
Frika e Lulit për rihapjen e dosjes, vërteton se ato çfarë thashë publikisht, janë fakte prej të cilave Lulzimi ka frikë.
Fatkeqësisht, i vetmi spekulant politik në këtë rast, mbetet Lulzim Basha.
