Ilda Bejleri dhe Dritan Shakohoxha kanë zyrtarizuar kandidaturën për kreun e Federatës Shqiptare të Futbollit.
Kreu aktual i FSHF-së, që ka qenë i pakonkurrueshëm për 20 vite me radhë, do të rivalizohet këtë herë nga moderatorja dhe ish-komentatori sportiv. Beljeri dhe Shakohoxha nuk do të jenë të vetmit që do të konkurrojnë për kreun e FSHF-së.
Bashkë me ta do të konkurrojnë edhe Sulejman Starova dhe ish-deputeti Selami Jenisheri. Kujtojmë se zgjedhjet për kreun e ri të Federatës Shqiptare të Futbollit, pritet të mbahen në shkurt ose mars të vitit 2022.
Moderatorja që dikur punonte te “SuperSport” dhe më pas te “Procesi Sportiv”, e ka lënë të hapur mundësinë.
Gazeta “Panorama Sport” kontaktoi me Bejlerin, dhe ajo nuk pranoi të jepte një përgjigje të qartë nëse e ka në plan të sfidojë Armand Dukën në zgjedhjet e ardhshme apo jo.
“Nuk kam asnjë koment”, tha ajo për gazetën.
