Gazetari i njohur Milaim Zeka është përfshirë në debatin e fortë që ka shpërthyer gjatë ditëve të fundit, sa i takon pjesëmarrjes së Goran Bregoviç në Festivalin e Birrës në Korçë. Ai i mëshon fort faktit se të gjithë ata që kërkojnë me ngul praninë e Bregoviç në Festën Birrës Korça, në të vërtetë janë përçarës shqiptar.
Përse gjithë ky sulm mbi të? Zeka ka shprehur qëndrimin e tij me anë të një statusi në Facebook, ndërsa është i mendimit se është politika që po përdor këngëtarin për të përçarë shqiptarët me kosovarët, sepse gjithmonë interesat politike ose fetare janë përdorur nga keqdashësit për të përçarë një popull.
Këtu ai ka marrë shembullin e disa viteve më parë, kur Serbia kishte përdorur shqiptarët e shitur për të mbuluar aktet e saj të dhunshme në Kosovë dhe për të zënë shqiptarët mes tyre. Qëndrimet kontroverse politike të Goranit ndër vite, edhe ato të asokohe mbi genocidin ndaj boshnjakëve e kosovarëve, kanë shkaktuar shqetësim të madh tek publiku.
Statusi
Ata qe po i fryjne Bregoviçit, jane perçares shqiptar.
Serbia, qe 120 vite, permes sherbimeve te veta, por sidomos injoranteve shqiptar, qe sapunin e kane ngrene per samun, i ka perçare shqiptaret ne te kater anet e globit.
Perçarja gjithmone ka ardhur o permes politikes, o permes fese. Diku para 100 vitesh, naten e festes te Bajraamit, sherbimi sekret serb, kishte therrur disa derra me nje xhami ne nje fshat te Gjakoves. Pas ketij akti barbar, ata kishin perhapur lajmin se ishin ”shqiptaret katolike qe kishin bere kete shemti”.
Sot, ne shekullin e internetit, po perdoret Bregoviçi per te na perçare si eshte mas keqi. Mbrapa ketij turpi kombetar qendrojne biznese dhe media, qe grazhdin e parave e kane ne Beograd.
Une qe po shkruaj keta rreshta, perpos i burgosur politik i protestave te studenteve, jam edhe gazetar lufte. Familjart e mi i ka pre Serbia me kose ne fyt. Nenen ma kane pjekur te gjalle. Po une nuk jam ai brumi serb, qe ne emrin e shqiptarizmit, t’i perçaje shqiptaret, pse nje Bregoviç leshi po kendojka ne Korçe…!!!
