Në kuadër të operacionit “Hudënishti”, pas hetimeve dy mujore është bërë e mundur goditja e një grupi që do trafikonin 23 kg kanabis jashtë vendit. Lidhur me këtë sasi lënde narkotike bëhet me dije se në pranga ka rënë një punonjës i Policisë së Krujës, së bashku me bashkëpunëtorin e tij.
Arrestimi i tyre u bë në Pogradec, ku janë shpallur në kërkim edhe tre bashkëpunëtorët e tjerë. Burime për “Report Tv” bëjnë me dije se punonjësi policisë është identifikuar si Blenard Vathi, 35-vjeç, banues në Krujë.
I arrestuari tjetër është identifikuar si Rexhep Toshi, 44-vjeç, banues në Tiranë. Tre personat e shpallur në kërkim janë identifikuar me inicialet Sh. I., 48-vjeç, S. O., 44-vjeç dhe M. T., 32-vjeç.
