Këngëtarja Morena Taraku ka shfryrë revoltën e hapur ndaj kryeministrit Rama, pasi shprehu falenderimet në Forumin Ekonomik ndaj të gjitha vendeve të rajonit, që i dhanë mbështetje Shqipërisë në tërmetin e 26 nëntorit. Rama i kushtoi një falenderim të veçantë forcave të ekip-shpëtimit nga Serbia dhe Maqedonia e Veriut.
“Në Shqipëri ra tërmeti dhe ishin forcat e kërkim-shpëtimit nga vendet e rajonit që mbërritën me shpejtësi, dhe mes tyre ishin edhe forcat e kërkim-shpëtimit nga Serbia dhe Maqedonia e Veriut”, u shpreh Rama.
Marrë shkas nga deklarata e kryeministrit Rama, Morena thotë se nuk mund t’iu mohohet ndihma shqiptarëve të Kosovës, dhe të përmenden të parët serbët dhe maqedonasit.
“Nuk përzihem fare me politikën, e aq më pak shoh lajmet andej. Por këtë që lexova tani më preku mua e lë më gjithë kosovarë të tjerë që ndihmuan në Shqipëri gjatë tërmetit! Mirë kam një pyetje!
Kamionët që nisën mërgimtarët tanë nga Evropa, tendat, ushqimet, veshmbathje e që gjithat zhdukeshin ende pa arritur në vendin që presim ne! A thu ku mbetën apo i paskan zhdukur me qëllime që kinse Kosova nuk paska ndihmuar asgjë!
Unë erdha nga Turqia, lashë babain e sëmurë, edhe pse tërmetet i kam fobi. Këtë po ta them ty që ta dish! Edi Rama.
Mirë e bëre serbin më të dashur se kosovarin, nuk çuditem fare. Por mos vallë folët ndonjëherë ose mos na dekoruat me ndonjë falenderim neve artistave kosovarë që qëndruam ditë e natë të zgjuar atje ku njerëzit e qeverisë tënde as që kishin qenë ndonjëherë!
Mirë! Po shtëpinë që unë Morena Taraku ndërtova na “Kameras”, s’ke dëgjuar, jo sepse po të dëgjoje me siguri s’do thoje serbët erdhën të parët. Por ja që ne ndihmuam, se ju kemi borxh vëllezërve tanë”, shkruan Morena.
