Këngëtarja Fjolla Morina bëri shumë bujë në mediat rozë, pasi u prangos në dyqanin e saj në Prishtinë. Ajo ishte shpallur në kërkim ndërkombëtar më 21 prill 2021, një muaj pasi gjykata e Kukësit e dënoi me 6 vite burgim për “trafik të armëve dhe municionit”.
Pak ditë më parë, Gjykata Themelore e Prishtinës vendosi që Fjolla Morina të qëndrojë 40 ditë në paraburgim, me dyshimin për “trafikim me armë” dhe “arratisje” nga vendi i paraburgimit. Masa e paraburgimit do llogaritet prej momentit kur Morina është arrestuar.
Ky vendim do të jetë në fuqi deri në një vendim të radhës, që mund të jetë ekstradimi në Shqipëri, duke qenë se këngëtarja është e kërkuar nga autoritetet shqiptare. Lidhur me këtë çështje reagoi menjëherë për mediat avokati i këngëtares. Por duket se pritjes i ka ardhur fundi, pasi një qëndrim publik ka mbajtur edhe bashkëshorti i Fjollës.
Fisnik Syla ka publikuar në Instagram, disa foto nga dita e dasmës me Fjollën, që u organizua në ishujt Maldives, ndërkohë që këngëtarja ishte në kërkim nga policia. Fisniku shprehet se do e kalojnë këtë sfidë, dhe se është i bindur se drejtësia do të fitojë.
