Kryetari i Partisë Demokratike, Lulzim Basha duke iu referar raportit final të OSBE-ODIHR për zgjedhjet parlamentare, deklari se 25 prillit ishte një masakër zgjedhore.
Sipas Bashës, këtë e dinë të gjithë shqiptarët, teksa shtoi se Partia Demokratike ka depozituar 185 padi penale në SPAK dhe në prokuroritë e rretheve për krimet zgjedhore.
Ndër të tjera, kryedemokrati u shpreh se shqiptarët meritojnë zgjedhje të lira e të ndershme, dhe pa u ndëshkuar autorët e masakrës së 25 prillit, nuk do të kemi një pushtet të njerëzve për njerëzit.
”25 prilli ishte një masakër zgjedhore! Këtë e dinë të gjithë shqiptarët, këtë e konfirmon edhe OSBE/ODIHR. Partia Demokratike ka depozituar 185 padi penale në SPAK dhe në prokuroritë e rretheve për krimet zgjedhore. Ne presim drejtësi, sepse shqiptarët meritojnë zgjedhje të lira dhe të ndershme. Pa u ndëshkuar autorët e kësaj masakre, pa u kthyer legjitimiteti në vend, nuk do të kemi një pushtet të njerëzve për njerëzit, por sundimin e një pakice të korruptuar që varfëron dhe shpopullon Shqipërinë.’’, shkruan Basha në rrjetin social, Facebook.
