Një shqiptar nga Kosova është përfshirë në një konflikt fizik, në një hotel në Shëngjin. Shtetasi në fjalë, identiteti i të cilit nuk bëhet me dije është dhunuar në prani të gruas së tij e cila ishte shtatzënë.
Gazeta ‘Insajderi’ ka kontaktuar me hotelin ku ka ndodhur ngjarja. Personat në biznesin në fjalë janë shprehur se në sherr janë përfshirë disa klientë, pas një debati.
“Kishte ndodhur një debat në mes klientëve dhe ka përfunduar me përleshje, askush nuk është rrahur nga kamerierët tanë”, thuhet në reagimin e hotelit.
