Një studim i kryer së fundmi në Korenë e Jugut, tregon se vaksinimi i përzier kundër koronavirusit, së pari me vaksinën AstraZeneca, pastaj me Pfizer/BioNTech, rrit nivelin e antitrupave neutralizues me gjashtë herë.
Studimi përfshiu 499 punonjës mjekësorë: 100 prej tyre morën doza të përziera, 200 morën dy doza Pfizer/BioNTech dhe pjesa tjetër morën dy doza AstraZeneca, shkruan Gulf News. Të gjitha vaksinimet rezultuan me antitrupa neutralizues, që e ndalojnë virusin nga hyrja në qeliza dhe nga shumimi i tij.
Edhe një studim i publikuar muajin e kaluar në Britaninë e Madhe, ka gjetur se një dozë e vaksinës Pfizer/BioNTech, nëse jepet katër javë pas një doze të vaksinës AstraZeneca, do të prodhojë përgjigje më të mirë imunitare.
Të dhënat sigurojnë mbështetje të mëtejshme për vendimin e disa vendeve për të ofruar vaksinën e AstraZeneca-s si një dozë të dytë, pasi vaksina ishte e lidhur me mpiksjen e rrallë të gjakut.
Studimi i Koresë së Jugut gjithashtu analizoi aktivitetin neutralizues ndaj varianteve kryesore shqetësuese të koronavirusit, tha Agjencia e Kontrollit dhe Parandalimit të Sëmundjeve në vend.
