Liverpuli thuhet se është vënë në lëvizje për të shitur pesë lojtarë të tjerë para përfundimit të merkatos së verës.
Jurgen Klopp kërkon të bëjë të paktën dy blerje të profilit të lartë në javët e ardhshme në tentativën për të forcuar mesfushën qëndrore dhe repartin e avancuar. Marko Grujic dhe Taiwo Awoniyi tashmë janë pastruar nga skuadra dhe janë nisur për tek Porto dhe Unioni i Berlinit, marrëveshje që mendohet të sjellin rreth 17 milion paund në arkë. Serbi nuk e gjeti kurrë veten në Anfield ndërsa Awoniyi nuk e mori kurrë vizën e punës në Angli në 6 sezone që u huazua sa nga një ekip në një tjetër.
Sidoqoftë, sipas Liverpool Echo, gjigandët e Mërsisajdit do të nxjerrin në treg pesë anëtarë të tjerë të skuadrës në javët e ardhshme. Liverpuli do të konsiderojë ofertat për Nat Phillips, Divock Origin, Harry Wilsonin, Neco Williamsin dhe Xherdan Shaqirin. Kupola e klubit, thuhet se, beson se mund të mbledhë deri në 70 milion paund nga shitja e këtyre të pestëve. /Tirana Today
