Pasditen e sotme, është hedhur shorti për kalendarin e ndeshjeve të kampionatit italian, Seria A. Sezoni i ri futbollistik në Itali do të fillojë më 22 gusht dhe do të përfundojë më 22 maj.
Interi, kampioni në fuqi i Italisë, do ta nisë mbrojtjen e titullit kundër Genoas në ndeshjen e parë. Nga ana tjetër, Milani do të luajë në transfertë ndaj Sampdorias, ndërsa Juventusi po në transfertë do të ndeshet kundër Udinezes.
Shorti i javës së parë ka rezervuar një përballje të lehtë për Napolin të cilët do të ndeshen me të sapongjitur e Venecias. Ndërkaq, Torino do të presë në shtëpi Atalantën ndërsa Sasuolo do të luajë në transfertë përballë Veronës.
