Qendra për Kontrollin dhe Parandalimin e Sëmundjeve në SHBA (CDC) po heton vdekjen e një 13-vjeçari nga Michigani, i cili humbi jetën disa ditë pasi u injektua me vaksinën kundër koronavrusit.
Jacob Clynik mori dozën e dytë dhe u injektua me vaksinën Pfizer-BioNTech në 13 Qershor në qytetin e Saginaw dhe ndërroi jetë dy ditë më pas, në 15 Qershor, shkruan Indipendent.
Përmes një deklarate, CDC ka thënë se ata janë duke kërkuar shkaqet e vdekjes, por këshilluan që ende nuk mund të arriheshin përfundime.
Martha Sarah, zëdhënëse e (CDC), tha në një deklaratë: “Kjo çështje është nën hetim dhe është shumë herët për të thënë se cili është shkaku i vdekjes.”
13-vjeçari ishte nxënës në shkollën fillore ”Zilwaukee” dhe nuk vuante nga asnjë sëmundje. Studimi për shkakun e vdekjes nga Qendra Amerikane për Kontrollin dhe Parandalimin e Sëmundjeve mund të zgjasë tre deri në pesë muaj.
