Situata epidemiologjike në Britaninë e Madhe paraqitet tejet shqetësuese, pasi në një javë janë rritur me 70% të infektuarit me Covid-19. Sipas prestigjozes Daily Mail, numri i të shtruarve në spitale ka shënuar rritje, dhe është e përafërt me numrin e regjistruar gjatë valës së dytë.
Në 24 orët e fundit, autoritetet shëndetësore regjistruan 27,215 të infektuar me koronavirus, dhe kjo ishte dita e tretë me rradhë, që regjistroheshin mbi 20 mijë të prekur.
Po në këtë periudhë kohore, u shënuan 27 viktima, një shifër e lartë në krahasim me disa ditë më parë. Infektimet në rritje në Britaninë e Madhe po nxiten nga varianti Delta, i identifikuar së pari në Indi, i cili tani përbën 90% të infeksioneve.
Deri më tani, rreth 45 milion britanikë kanë marrë të paktën njërën dozë të vaksinës kundër koronavirusit, teksa në 24 orët e fundit, u kryen 152 mijë vaksinime.
