Kampionati europian ”Euro 2020”, ka dhuruar spektakël dhe surpriza, ku disa prej skaudrave pretendente, si Gjermania, Franca apo Holanda janë eleminuar që në fazën e 1/8-ave.
E ndërsa nga 2 korriku pritet të fillojë faza çerekfinale, tifozët tashmë ka nisur të interesohen për biletat e ndeshjeve për fazën gjysmë finale, të cilat do të luhen në ”Wembley Stadium”.
Por, stadiumi në Londër nuk do të jetë i mbushur plotësisht, për shkak të pandemisë së koronavirusit, ndaj dhe çmimet e biletave kanë pësuar një rritje të ndjeshme.
Për ndeshjet e datave 6 dhe 7 korrik, shuma e parave që duhen paguar për një biletë të tribunës qendror, kanë kaluar nga 750 në 1000 euro, por ndoshta ato mund të rriten edhe më shumë.
Çmimet e biletave të tjera, të paktën sipas atyre që ka nxjerrë UEFA në shitje variojnë: 195 euro për ato të kategorisë 3 dhe 595 euro për kategorinë 2.
