Akordi mes PSG-së dhe Interit për Hashraf Hakimin duket se ka ardhur.
Sipas ‘Footmercato’, në fakt, PSG-ja tashmë e ka arritur marrëveshjen me lojtarin që mbërriti vetëm një vit më parë nga Real Madridi pas huazimit tek Borussia Dortmund më parë.
Një marrëveshje me shifra shumë të larta me një pagë rreth 10 milion euro në sezon për pesë vjet. Këto shifra janë të paimagjinueshme për Interin dhe për Serinë A në përgjithësi. Mbetet ‘vetëm’ për t’u gjetur një marrëveshje me ‘bluzinjtë’, të cilët sipas portalit francez nuk duan absolutisht kompensim teknik (shkëmbim) por vetëm para.
Ky fakt e ka eleminuar Çelsin nga gara, duke lënë vetëm PSG-në e Leonardos që në këto orë ka rishikuar ofertën e saj disa herë, derisa e rriti në 70 milion euro, duke iu afruar shumë kërkesës fillestare të Marotës. Në Paris ka shumë besim se operacioni mbyllet brenda kësaj jave. Për PSG-në, duke marrë parasysh çmimin dhe pagën neto, kostoja shkon në të paktën 120 milion euro./ Tirana Today
