Mbrëmjen e sotme, kanë mbërritur në aeroportin ”Nënë Tereza”, 11,700 mijë doza të vaksinës Pfizer. Lajmin e ka bërë të ditur kryeministri Edi Rama përmes një postimi në rrjetet sociale.
Kreu i qeverisë se deri më tani, në Shqipëri kanë mbërritur 1,079,650 vaksina, teksa procesi i vaksinimit vijon në të gjithë vendin.
”Aeroporti “Nënë Tereza” – Kanë mbërritur sërish edhe 11,700 doza të tjera të vaksinës Pfizer, duke e çuar në 1,079,650 sasinë e vaksinave AntiCovid të mbërritura deri tani. Me zgjerimin e fashës së vaksinimit për qytetarët +50 vjeç, vijojmë pa u ndalur me planin kombëtar të vaksinimit dhe nuk do të ndalemi, derisa qytetari i fundit të jetë vaksinuar”, shkruan Rama në rrjetin social, Facebook.
Situata epidemiologjike në vend vijon të mbetet e qëndrueshme. Në 24 orët e fundit, janë regjistruar vetëm 1 rast i ri me Covid-19, nga 1.542 testime të kryera.
Ndërkohë, një 83-vjeçar nga Tepelena nuk e ka fituar dot betejën me sëmundjen. Po në 24 orët e fundit, janë shëruar edhe 11 pacientë, teksa raste aktive mbeten 107.
Statistika (21 Qershor 2021)
Raste të reja ditore 1
Të shëruar në 24 orë 11
Të shtruar në spitale 3
Humbje jete në 24 orë 1
Testime ditore 1542
Testime totale 777, 492
Raste pozitive 132,491
Raste të shëruara 129,929
Raste Aktive 107
Humbje jete 2,455
Shpërndarja gjeografike e rasteve aktive sipas qarqeve:
Shkodër 36
Tiranë 31
Durrës 11
Berat 8
Lezhë 7
Elbasan 6
Dibër 3
Kukës 2
Gjirokastër 1
Korçë 1
Fier 1
