Partia Demokratike do të mbledhë Kryesinë në datë 18 qershor. Lajmin e ka bërë të ditur Sekretari i Përgjithshëm, Gazment Bardhi.
Mbledhja është parashikuar që të mbahet në orën 11:00, teksa do të diskutohet miratimi i metodologjisë së analizës në nivel Qarku, Dege, Grupseksioni dhe Seksione për rezultatin e zgjedhjeve të 25 prillit.
Ndërkohë, Bardhi ka konfirmuar se Kuvendi Kombëtar i Partisë Demokratike do të mbahet më 17 korrik.
Njoftimi i Gazment Bardhit
Të nderuar anëtarë të Kryesisë,
Ditën e premte, datë 18 Qershor 2021, ora 11:00, do të zhvillohet mbledhja e Kryesisë së Partisë, me këtë Rend Dite:
- Miratimi i metodologjisë së analizës në nivel Qarku, Dege, Grupseksioni dhe Seksione për maskrën zgjedhore të 25 Prill.
- Thirrjen e Kuvendit Kombëtar të Partisë më datë 17 Korrik 2021, dhe miratimi i rendit të ditës së Kuvendit.
Me respekt,
Sekretari i Përgjithshëm
Gazment Bardhi
