Një mjek në Gjermani është pushuar nga puna, pasi gabimisht vaksinoi një vajzë 9-vjeçare kundër Covid në një qendër në Bobingen të Bavarisë.
Kjo është një praktikë e paautorizuar në Gjermani, ku vaksina injektohet vetëm nga mosha 12 vjeç e sipër.
Mjeku u padit për lëndime nga pakujdesia dhe u pushua menjëherë nga puna. Ai i kërkoi falje babait të fëmijës, i cili duhet të ishte marrësi i vërtetë i dozës së vaksinës, duke deklaruar se ai e kuptonte që fëmija konsiderohej i rrezikuar, shkruan Breaking Latest News.
Babai tha se mjeku e pyeti vajzën e tij nëse ajo kishte frikë nga injeksionet kur ata gjendeshin në kabinën e vaksinimit dhe më pas i dezinfektoi krahun e vajzës . Ai mendoi se ishte një shaka, por pa më pas se doktori i injektoi shiringën me Biontech fëmijës së tij̵
