Ka përfunduar me rezultatin 3-1, ndeshja miqësore midis Republikës Çeke dhe Shqipërisë, e cila u zhvillua në Pragë. Një fitore e merituar e çekëve, të cilët ishin më lart se kuqezinjë.
Siparin e golave e hapi skuadra vendasve, ku në minutën e 18-të, sulmuesi Patrick Shick realizoi me një gjuajtje fluturimthi brenda zonës, duke e dërguar topin në cepin e portës.
Kur u duk se pjesa e parë do të përfundonte me avantazhin e çekëve, një super gjuajte e Sokol Cikalleshit nga një distancë e largët, ka rikthyer baraspeshën.
Shtatlarti kuqezi ka dërguar topin në trekëndësh me një goditje të frikshme nga distanca, duke shtangur portierin e vendasve.
Por, në pjesën e dytë, çekët shënuan edhe dy herë të tjera, Masopus në të 68-ën, dhe Celutska në të 89-ën.
