Ka përfunduar në Pragë pjesa e parë e ndeshjes miqësore midis Republikës Çeke dhe Shqipërisë, me rezultatin 1-1.
Vendasit kaluan të parët në avantazh në minutën e 18-të, me anë të sulmuesit të Bayer Leverkusen, Patrick Shick. Sulmuesi realizoi me një gjuajtje fluturimthi brenda zonës, duke e dërguar topin në cepin e portës.
Kur u duk se pjesa e parë do të përfundonte me avantazhin e çekëve, një super gjuajte e Sokol Cikalleshit nga një distancë e largët, ka rikthyer baraspeshën.
Shtatlarti kuqezi ka dërguar topin në trekëndësh me një goditje të frikshme nga distanca, duke shtangur portierin e vendasve.
