“Tirana Today” po ju sjell zhvillimet kryesore të ndodhura një ditë më parë botë.
1-Meghan Markle dhe Harry janë bërë prindër për herë të dytë të një vajze. Ata kanë vendosur një emër në kujtim të Princeshës Diana dhe Mbretëreshës Elizabeth. Vogëlushja do të mbajë emrin Lilibet “Lili” Diana Mountbatten-Windsor.
2-India do të lehtësojë kufizimet, pas rënies së rasteve me COVID-19. Nju Delhi dhe qytetet e tjera po punojnë që të lejojnë të rihapen më shumë biznese, dhe nga dita e hënë të lehtësohen kufizimet e lëvizjes.
3-Ministri i Shëndetësisë së Mbretërisë së Bashkuar, Matt Hancock, tha se varianti Delta i njohur edhe si varianti indian i koronavirusit, vlerësohet se është 40 për qind më i transmetueshëm.
4-Presidenti turk Rexhep Tajip Erdogan, njoftoi se një anëtar i lartë i Partisë së Punëtorëve të Kurdistanit (PKK) ishte vrarë në një operacion të inteligjencës turke në Irak.
5-Një i armatosur me thikë u ka marrë jetën 5 personave, dhe ka plagosur 15 të tjerë në një qytet në Kinën lindore. Shkaqet e sulmit, sipas mediave shtetërore nuk dihen.
