Kandidati për kryetar në Partinë Demokratike, Agron Shehaj deklaroi se nuk do të ketë bashkëqeverisje me Partinë Socialiste, nëse ai zgjidhet në krye të partisë.
Në konferencën për mediat, Shehaj u shpreh se përballë kryeministrit Edi Rama, duhet një lider i ndryshëm nga ai, një politikan i pakorruptuar.
Pyetje: Nëse zgjidheni në krye të PD, a do ketë bashkëqeverisje me PS?
Agron Shehaj: Në asnjë mënyrë nuk do të ketë bashkëqeverisje.
Pyetje: Basha është lider i korruptuar?
Agron Shehaj: Jo, nuk besoj! Përballë Edi Ramës duhet një lider krejt ndryshe nga Edi Rama. I pakorruptuar dhe që njerëzit të mendojnë se është i tillë. Duhet të dukemi që jemi ashtu siç themi.
Dje në mbledhjen e Kryesisë, disa kolegë u shprehën kundër duke iu akuzuar se gjatë fushatës, ju ishit i angazhuar për vota nominale?
Agron Shehaj: ”Është e drejtë e tyre të kenë mendimin që kanë. Unë mendoj që kjo na ndan. Një kandidat i PD nuk mund të ketë vota personale, sepse është e pamundur të mos votosh PD. Kandidatët duhet të shtyheshin për të marrë sa më shumë veta personale dhe PD do të kishte marrë më shumë vota. Kjo është një nga arsyet. Në zgjedhjet e kaluara, duhej thënë kush del më mirë do promovohet. Në PD ka mungesë meritokracie. Vetëm kështu bëhemi më të fortë.”
Më 13 qershor, Partia Demokratike zhvillon zgjedhjet për kryetarin e ri. Përballë Lulzim Bashës, do të garojnë Edi Harxhi, Agron Shehaj dhe Fatbardh Kadilli.