Pas shpalljes “non grata” të Sali Berishës, reagimet nga politika kanë qenë të shumta. Personi që i bashkohet kësaj çështje është edhe dhëndri i ish-kryeministrit Berisha. Jamarbër Malltezi, me anë të një postimi në Facebook, shkruan se sipas Xhorxh Soros, fluturimet që ka bërë Taulant Balla me Edmond Begon, “janë për të mirën e Amerikës”.
Edmond Bego, vitet e fundit është kthyer në një nga biznesmenët më të përfolur dhe të akuzuar edhe nga opozita shqiptare, përfolur si miku i Taulant Ballës, kreut të grupit parlamentar të Partisë Socialiste.
Ndonëse nuk i ka përmendur me emër protagonistët, reagimi i tij lidhet me numrin dy të socialistëve, dhe lidhjen e tij me biznesmenin Bego, i cili dyshohet se ka qenë anëtar i bandës së Lushnjes.
Madje më herët Taulant Balla është akuzuar nga Ervin Salianji, se ka udhëtuar disa herë jashtë vendit me makinën e tij, por edhe me charter në disa vende me Edmond Begon.
Sekretari Amerikan i Shtetit, Antony Blinken, shpalli ‘non-grata’ ish-kryeministrin Sali Berisha dhe familjen e tij.
Ai sqaron se motivacioni është i qartë, dhe lidhet me veprimet e ish-kryeministrit, që sipas tij, kanë minuar demokracinë në Shqipëri. Berisha është shpallur ‘non-grata’ bashkë me familjen e tij. Gruaja Liria, vajza Argita dhe djali Shkëlzeni, janë shpallur gjithashtu të padëshiruar në SHBA-ja.
