Presidenti i Turqisë Rexhep Tajip Erdogan, kritikoi homologun e tij amerikan Joe Biden në lidhje me mbështetjen për fushatën ushtarake të Izraelit në Rripin e Gazës, duke rrezikuar trazira të mëtejshme në lidhjet me SHBA-të.
”Ndihma ushtarake amerikane po mundëson agresionin e Izraelit kundër palestinezëve, të cilëve u mungojnë burimet për të mbrojtur veten”, tha Erdogan pasi kryesoi një takim kabineti të hënën.
Marrëdhëniet midis Turqisë dhe SHBA-ve, dy vendeve anëtare të NATO-s, janë dëmtuar nga përplasjet diplomatike së fundmi, për vendimin e Biden për të etiketuar si gjenocid vrasjet e Armenëve në 1915 nën Perandorinë Osmane, shkruan The Detroit News.
Shtetet e Bashkuara kanë sanksionuar gjithashtu Turqinë lidhur me blerjen nga Erdogan të sistemit të mbrojtjes raketor S-400 nga Rusia.
“Ne kemi parë nënshkrimin e Biden në një shitje serioze armësh në Izrael,” tha Erdogan, duke iu referuar raporteve të një shitje të fundit ushtarake nga SH.B.A. për aleatin e saj të ngushtë në Lindjen e Mesme. Zoti Biden, ju keni dalë me anën e armenëve në të ashtuquajturin Gjenocid Armen. Tani, për fat të keq, po shkruani histori me gjak në duar në këtë incident që çoi në një sulm seriozisht jashtë proporcionit në Gaza,” u shpreh Kreu i Shtetit turk.
Udhëheqësi turk gjithashtu kritikoi Austrinë për mbështetjen ndaj Izraelit, duke argumentuar se qeveria e kancelarit Sebastian Kurz po përpiqet të shlyejë Holokaustin duke “bërë myslimanët të paguajnë një çmim” për të.
