Juventusi
Shezni 6.5 – Lukaku nuk i lë asnjë shans tek penalltia. Tremb me një dalje boshe në fillim të pjesës së dytë. Vendimtar në fund përballë Vesinos.
Danilo 6.5 – I fortë prapa, i çmuar në mbivendosjen e Kuadrados në korsinë e djathtë.
De Ligt 7 – Ishte i pafat kur shkeli thembrën e Lautaros në penalltinë e Interit. Për pjesën tjetër, nuk gabon asgjë: një siguri përpara Szczesny.
Kielini 5.5 – Nuk u jep shumë shanse dy klientëve të rrezikshëm si Lukaku dhe Lautaro. Deri në rastin e autogolit, kur humbet duelin trup më trup me gjigantin belg.
Aleks Sandro 6.5 – Frenon Hakimin, duke mos e lënë kurrë të rendë në fushëë. Meriton notat më të larta për duelin me ish-lojtarin e Realit.
Kuadrado 8 – Një aset në të djathtë, kalon rregullisht kundërshtarin, duke krijuar menjëherë epërsi numerike. Përveç kësaj (dhe nuk është aspak detaj) ai merr rëndësinë e Ronaldos: si fillim goli i 2-1 para pushimit, në finale është i akullt, duke zëvendësuar Ronaldon në goditjen e penalltisë. Gjithçkabërës.
Bentankur 4.5 – Ai interpreton mirë fazën e lojës pa top, por është gjithmonë shumë kompleks kur i duhet të menaxhojë topin. I lë shokët e tij në inferioritet numerik për më shumë se gjysmë ore.
Rabiot 7 – Në rritje të vazhdueshme, prish lojën e kundërshtarit pa humbur në cilësi në qendrën nervore të fushës. Duhet vlerësuar gjithashtu për disa pasime të bukura.
Kieza 5.5 – Hakimi zhgënjen, por edhe numri 22 i Juventusit në po atë korsi. Ka më pak forcë në këmbë pasi u kthye nga dëmtimi dhe dështon të bëjë ndryshim me shpërthimet e tij (70 ‘Demiral 6 – Shkon të mbështesë de Ligt dhe Kielinin në murin mbrojtës).
Kulusevski 4.5 – Manovra e Pirlos nuk jep rezutat, me suedezin që nuk ndikon në lojë si sulmues i dytë. I çorientuar dhe jo deçiziv, ai dështon në një shans të madh në fillim të ndeshjes (58 ‘MekKeni 6 – Në fushë pas të kuqit të Bentankurit për t’i dhënë mbështetje dhe kompaktësi mesfushës).
Kristiano Ronaldo 6 – Handanoviç e hipnotizon nga vendi, por është i shpejtë për të dërguar topin në rrjetë pasi kthehet nga portieri, duke arritur kuotën 29 në kampionat. Pirlo e zëvendëson për herë të parë në kampionat kur Juventusi ishte me dhjetë lojtarë (70 ‘Morata 5.5 – I vetëm përpara: arrin të kombinojë pak).
Pirlo 6.5 – Me dhëmbë e me thonj, Juvja është ende në garë për një vend në Champions League. Dalja e Bentankurit peshon shumë: bardhezinjtë rezistojnë deri në autogolin e Kielinit, në fund pak fat shpërblen Kuadradon dhe shokët e tij. Ka ende shpresë …
Interi
Handanoviç 5.5 – Pret penalltinë, por nuk mjafton për të shmangur goditjen e dytë të Ronaldos në që shkon në rrjetë. Mund të kishte bërë shumë më mirë për të djathtën e Kuadrados nga jashtë.
Skriniar 6 – I vë kufirin Kulusevskit. Gjithmonë i përqendruar dhe i vëmendshëm.
De Vrij 5.5 – E gjen veten si titullar pas pushimit me Sampdorian dhe Romën. Disa plasaritje në krahasim me fortesën e admiruar gjatë gjithë sezonit.
Bastoni 5.5 – Kulusevski krijon pak probleme për të në atë krah. Ca dhimbje koke më shumë kur në vend të tij i duhet të përballet me Kuadradon (80 ‘Vesino 6 – Sapo hyn shkon menjëherë afër golit).
Hakimi 5 – Nuk mund të depërtojë kundër Aleks Sandros dhe Inter e vuan këtë pjesë.
Barela 6.5 – Nuk dorëzohet kurrë, ai luan sikur të ishte finalja e Ligës së Kampionëve pavarësisht se Interi e ka mbyllur historinë e Skudetos prej dy javësh. Lufton në çdo zonë të fushës, i fundit që dorëzohet.
Brozoviç 5 – Sasia nuk mungon, i çmuar në fazën e kontrollit. Më pak efektiv në fazën e rinisjes së aksionit. Del jashtë me të verdhin e dytë në shtesë.
Eriksen 5 – Teorik, ngadalëson manovrën. Nuk arrin të shkëlqejë në Allianz Stadium (73 ‘Sensi 5.5 – Ai gjithashtu nuk i jep Interit ndryshimin e ritmit që i duhej).
Darmian 4.5 – Naiv në goditjen ndaj Kielinit në penalltinë e parë që i jep avantazhin Juventusit. Kuadrado e vuri në qoshe, praktikisht zero edhe në projeksionet sulmuese (46 ‘Perisiç 5.5 – Kalvareze vendosi për dënimin maksimal në kontaktin që pati me Kuadradon).
Lukaku 6 – Pak shihet deri tek penalltia, e cila shënohet me ftohtësinë e zakonshme. Ai i përgjigjet rivalit Ronaldo, por nuk mjaftoi: për të shmangur humbjen në derbin Italian dhe për të rihapur luftën për këpucën e artë.
Lautaro Martinez 5 – Pak jashtë nga loja. Fitoi penalltinë e 1-1, por në përgjithësi nuk e dëmton mbrojtjen vendase.
Konte 5.5 – Inter rikuperoi disavantazhin dy herë, por nuk arriti të shfrytëzojë epërsinë numerike siç duhej pas të kuqit të Bentankurit. Disa ndryshime në fund të guximshme por të vonuara.
