Kandidati fitues për deputet i Partisë Demokratike, Ervin Salianji është shprehur se kryeministri Edi Rama nuk do të zgjasë në qeveri më shumë se një vit.
I ftuar në “Çim Peka Live” Salianji deklaroi se Rama nuk e ka mandatin legjitim, duke shtuar se zgjedhjet e 25 prillit u manipuluan.
Ervin Salianji: ”Për të ndjekur logjikën politike, Edi Rama nuk shkon më shumë se një vit. Shihni rastin e Gurevskit. Janë mbi 80 mijë vota të pavlefshme që na kanë ikur kot. Kanë bërë një fletë votimi si fletë bingoje, që na kanë nxjerrë mbi 80 mijë vota të pavlefshme. Ne kemi kërkuar pavlefshmërinë në 9 qarqe. Ky është një shkak për të kërkuar zgjedhje të reja. Nëse ke parregullsi mbi 3 qendra votimi, atëherë përbën shkak për përsëritjen e zgjedhjeve”.
