Prej disa javësh, Shqipëria ka pësuar një ulje të ndjeshme të numrit të viktimave dhe të infektuarve nga koronavirusi, ndihmuar kjo edhe nga procesi masiv i vaksinimit.
Komiteti Teknik, i ka lehtësuar masat kufizese, por ende vijojnë të jenë në fuqi ora policore, dhe mbajtja e maskave në çdo ambient.
Në një intervistë për Gazetën ”Si”, epidemiologu i njohur, Ilir Alimehmeti u shpreh se këto masa nuk kanë asnjë vlerë dhe duhet të hiqen.
Sipas tij, ora policore nuk ka ndikuar në situatën epidemiologjike, teksa shtoi se maskat duhen mbajtur vetëm në ambientet e brendshme.
Ilir Alimehmeti: ”Nëse hipotetikisht lokalet dhe restorantet do ishin mbajtur mbyllur nuk do kishe asnjë problem dhe nuk do kishte orë policore sepse njerëzit nuk kanë ku mblidhen. Ora policore nuk ka asnjë vlerë.
Brenda është tjetër diskutim, sidomos në zyra duhen mbajtur. Gjithashtu duhet të marrim parasysh se kush është vaksinuar plotësisht dhe kush e ka kaluar infeksionin nuk ka një arsyetim mjekësore të mbajë maska, të ruaj distancën e të tjerat. Se ky është parimi i imunitetit kolektiv që të kthehesh tek normaliteti.”
