Miliarderi i njohur dhe themeluesi i Microsoft, Bill Gates është ndarë nga bashkëshortja e tij, Melinda disa ditë më parë, duke shokuar mbarë botën.
Ende nuk është bërë e ditur arsyeja e vërtetë e cila se përsë çifti mori këtë vendimin, por prestigjozja britanike, The Guardian shkruan se Melinda po fillonte të mendonte për divorcin dy vite më parë.
Asokohe, Bill Gates, njeriu i katërt më i pasur në botë u zbulua se ishte takuar shumë herë me Jeffrey Epstein, filantropin dhe miliarderin i cili vrau veten në burg në vitin 2019.
Të Dielën, Wall Street Journal citoi “njerëz të njohur me këtë çështje” dhe një ish-punonjës i Fondacionit Gates, i cili tha se marrëdhëniet e Bill Gates me Epstein ishin “një burim shqetësimi” për gruan e tij.
Edhe pse ajo e paralajmëroi, sërish Bill nuk e dëgjoi dhe vazhdoi shoqërimin e tij me Epsteinin.
Jeffrey Epstein ishte një miliarder që akuzohej për ndisa vepra penale, përfshirë atë të trafikimit seksual të vajzave të mitura. Sipas aktakuzës thuhej se dhjetëra vajza të vogla ishin trafikuar nëpër shtëpitë e Epsteinit për takime seksuale.
Bill dhe Melinda u njohën në vitin 1980 dhe ajo u bë pjesë e Microsoft. Ata kanë tre fëmijë dhe drejtojnë së bashku Fondacionin Bill & Melinda Gates.
