Policia e Gjirokastrës ka arrestuar një 51-vjeçar, i cili ishte i dënuar më parë për vrasje dhe kontrabandë.
Punonjësit e policisë, shkuan për kontroll në banesën e shtetasit të identifikuar si Alban Islamaj pasi kishin marrë informacione se ai dispononte armë zjarri në banesë.
Në momentin që shërbimet e Policisë janë afruar pranë banesës së ti, ai i ka kërcënuar me një granatë dore në mënyrë që të mos e ndqinin.
Por, falë ndërhyrjes profesionale, shërbimet e Policisë gjatë ndjekjes neutralizuan dhe prangosën 51-vjeçarin.
”Në momentin që shërbimet e Policisë janë afruar pranë banesës së tij, shtetasi A. I. ka marrë një granatë difensive me vete dhe ka tentuar të largohet duke kërcënuar punonjësit e Policisë që të mos e ndiqnin, pasi do t’i qëllonte.”, informon policia.
Gjithashtu, si rezultat i kontrollit të banesës, Policia gjeti dhe sekuestroi në cilësinë e provës materiale 1 armë zjarri automatik, një krehër dhe 19 fishekë.
Materialet procedurale i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
