Ftohja dhe gripi nuk kanë një kurë të përcaktuar. Kurat popullore të praktikuara në shtëpi janë po aq të përhapura sa vetë sëmundja. Pjesa më e madhe e këtyre kurave kanë një histori të gjatë aplikimi. Por cilat kura popullore që mund t’i aplikoni në shtëpi, mund t’ju shpëtojnë nga gripi dhe ftohja?
Sipas mjekëve, për gjendjen inflamatore ka qindra vite që përdoret supa me lëng pule dhe limon. Por ka edhe disa kura të tjera popullore kundër gripit. Mjekët rekomandojnë se nëse jeni me grip dhe nuk dëshironi të kaloni 1-2 javë shtrirë, duhet t’u hidhni një sy këtyre kurave popullore:
– Uji dhe lëngjet e tjera: konsumimi i lëngjeve mund t’ju ndihmojë të përmirësoheni. Uji, lëngjet e frutave, lëngu i mishit apo pulës, ujë i vakët me mjaltë dhe limon parandalon dehidratimin dhe zhbllokon hundët. Mjekët këshillojnë qëndrim larg kafesë dhe lëngjeve tjera me kafeinë, sepse shkaktojnë etje.
– Ujë me kripë: merrni një gotë me ujë të ngrohtë dhe hidhini gjysmë luge çaji kripë, bëni gargara me këtë përbërje dhe fyti do t’ju përmirësohet.
– Pikatore për hundë ose sprej: pikatoret apo sprejat e shitur pa recetë ju ndihmojnë të zhbllokoni hundët. Specialistët pohojnë se sprejat e hundës mund të përdoren pa asnjë problem si tek foshnjat ashtu dhe tek fëmijët e rritur. Sprejat me ujë e kripë ose pikatoret nuk përkeqësojnë shenjat e sëmundjes, siç ndodh kur ndërpriten ilaçet e tjera.
– Supë me lëng pule: më parë prindërit i jepnin fëmijëve të sëmurë supë me lëng pule. Tani shkencëtarët kanë zbuluar supën e pulës dhe theksuan se kjo supë lehtëson në dy mënyra shenjat e gripit dhe ftohjes. E para, duke penguar lëvizjen e neutrofileve supa pasqyron efekt antiinflamator. E dyta, përshpejton rrjedhjen e hundëve dhe ndihmon në zhbllokimin e tyre. Kufizon numrin e viruseve të cilat vendosen në pjesën e brendshme të hundës.
Gjithsesi, çdo zgjatje e situatës gripale, sipas mjekëve, duhet trajtuar nga specialistët, pasi gripi shpesh është shkak për shumë komplikacione.
