Shkelja e masave anti-covid gjatë fushatës elektorale për zgjedhjet po rrit numrin e të infektuarëve nga koronavirusi.
Në një intervistë për ”A2 CNN”, Brataj u shpreh se në këtë periudhë janë shtuar thirrjet për Covid, vizitat në banesë si dhe ka një rritje të lehtë të shtrimeve në spital.
Sipas Bratajt, kurba e infektimeve do të vijojë ngjitjen për të arritur pikun në javën e tretë të majit
Skënder Brataj: “Patëm disa ditë që qendrën e Urgjencës Kombëtare ishin zero kërkesat për tampon, tani kanë filluar janë rritur, 7-15 në 12 orë. Po vihet re edhe një rritje e lehtë e shtrimeve në spital. Nëse këto kohë kishim 10-12 tani kanë shkuar deri në 20 numri i të shtruarve në ditë.
Tubimet dhe grumbullimet më të mëdha u bënë ditët e fundit dhe duhen 2-3 javë për të parë se sa do te jetë rritja. Kuptohet që do të ketë një rritje fiziologjike më të vogël se herët e tjera, por mosrespektimi i masave po e tregon më së miri këtë.
Këtë muaj pati shkelje nga të gjitha palët, nga të gjitha format gjë që do të vërtetohet ditët në vijim. Ne specialistët nuk mund të bëjmë më shumë se sa të këshillojmë dhë të informojmë se në këto situata rrezikojmë shëndetin tonë.”
