Publikohet video ku shfaqen momentet e para të nisjes së përplasjes me armë, ngjarje që ndodhi dy ditë më parë, ku mbeti i vrarë Pjerin Xhuvani dhe u plagosën katër persona të tjerë.
Pamjet e publikuara janë filmuar nga brenda një makine që po kalonte në lagjen ”5 maji”, në momentin që nisën krismat.
Në video, fillimisht duken njerëzit e grumbulluar në rrugë, policë të shqiponjave dhe në një moment dëgjohen të shtëna me armë.
Ende mbetet e paqartë se në cilin drejtim është qëlluar por duken njerëzit që largohen të panikosur nga gjithçka që po ndodhte.
Konflikti në Elbasan nisi pasi pjesëtarët e grupit që Partia Demokratike i quan “struktura e mbrojtjes së votës”, ndaloi dhe tentoi të kontrollonte me forcë një makinë ku dyshonin se ishte një mbështetës i PS-së që merrej me blerje votash.
