Epidemiologu Ilir Alimehmeti, ka komentuar situatën e epidemiologjike në vend, procesin e vaksinimit si dhe efektin e tyre.
I ftuar në ”Abc News”, ai foli për aplikimin e vaksinës tek personat me alergji të fshehura për të cilët theksoi, se kur marrin vaksinën anti-Covid qëndrojnë të monitoruar për rreth 30 minuta.
Ndër të tjera, Alimehmeti u shpreh se mund të ketë një kombinim të vaksinave brenda të njëjtës familje.
Ilir Alimehmeti: “Në përgjithësi mendoj se vaksinimi është në rregull. Në momentin e vaksinimit duhet deklaruar nëse është alergjik, por të mos harrojmë sepse ka njerëz me alergji që nuk i dinë. Pas procesit të vaksinimit këta persona qëndrojnë të monitoruar për një periudhë 30 minuta, pra janë të mbuluar nga ky drejtim dhe për alergjitë ne kemi mjekime.
“Biologjikisht bën sens të kombinohen vaksina brenda të familjes, si ato me vektor adenoviral si AstraZeneca, Johnson, Sputnik…Gjermania ka dhënë një rekomandim që kush te bërë dozën e parë Astra mund të bëjë një të dytë më Johnson”.
