Kyetari i PDIU-së, Shpëtim Idrizi, bëri një deklaratë të fortë në lidhje me kryeministrin Edi Rama, teksa foli për çështjen çame.
I ftuar në emisionin Frontline, u shpreh se kryeministri i Rama, është “armiku” i Çamërisë.
Kjo për faktin se sipas tij, Rama pret në Kryeministri lobistin greko-amerikan, i cili merret me çështjen e Vorio-Epirin dhe është shumë kundër çështjes Çame.
Shpëtim Idrizi: ”Rama është armiku i Çamërisë. Ai pret në zyrë, në Kryeministri dhe jo te baçja e Surrelit, lobistin greko-amerikan Nicolas Gage që është pro çështjes së Vorio-epirit dhe kundër ‘çështjes Çame’.
Unë i shoh që kamerat janë ndezur dhe jam shumë koshient për këtë që po them tani. Ai tha nuk do shkoni në Greqi po mos të hiqet ‘Ligji i Luftës’. Bënte më shumë patriotin se ne dhe flste më shumë se ne për ‘çështjen Çame’. E hoqi nga programi qeveritar dhe nuk e përmendi më. Lejoi krijimin e varrezave të ushtarëve grekë, zgjerimi me 12 milje. E nisi si kalorës i Çamërisë dhe e mbylli si kali i trojës së Çamërisë. Me mandatet tona ne do ta cojmë jo vetëm në opozitë, por do ta ulim dhe në stolin e turpit të historisë.”
